Bu yil mukofotlar beshta nominatsiya bo‘yicha topshirildi:
· “Eng yaxshi turagent”;
· “Eng yaxshi turoperator”;
· “Turizm rivojiga qo‘shgan hissasi uchun”;
· “Yil debyuti”;
· “Turizm afsonasi”.
Sayyohlar uchun xavfsizlik va qulaylikni ta’minlash turizmni rivojlantirishda muhim rol o‘ynaydi. GROSS boshqaruvi raisi Otabek Nazarovning so‘zlariga ko‘ra, kompaniya faoliyati sug‘urta xizmatlarining ommabopligini oshirishga qaratilgan.
“Tadqiqotlarimizga ko‘ra, bugungi kunda ko‘pchilik sog‘lig‘i va hayoti bilan bog‘liq xavf-xatarlarga duch kelmoqda. Misol uchun, 2020-yilda boshlangan pandemiyani eslang — u boshqa har qanday xavf-xatarlar singari mutlaqo kutilmagan edi. Sug‘urtaga ega bo‘lmagan holda, biz ko‘pincha zarurat tug‘ilganda, ayniqsa Italiya yoki Yaponiya kabi begona mamlakatda bo‘lganimizda, qayerga murojaat qilishni bilmaymiz. Klinikada bizga beriladigan birinchi savol — sug‘urta polisingiz bormi? Shu munosabat bilan biz chet elda sug‘urtaning ahamiyatini yoritish bo‘yicha faol ish olib bormoqdamiz. 2025-yil uchun biz mazkur yo‘nalishni kompaniyamiz uchun strategik muhim yo‘nalishlardan biri deb hisoblaymiz. 2025-yilda kompaniya sayyohlar uchun bir qator yangiliklarni joriy etdi. Ilgari mamlakatni tark etgan sayohatchilar sug‘urta polisini sotib ololmas, bu esa ularning imkoniyatlarini cheklar edi. Endilikda, agar sayyoh biror sababga ko‘ra sug‘urta polisi sotib olishni unutsa, u samolyotdan tushganidan keyin uch soat ichida uni onlayn rasmiylashtirishi mumkin bo‘ladi, bu esa polisning amal qilishini ta’minlaydi. Bundan tashqari, bagajni va reys bekor qilinishini sug‘urta qilish kabi yangi imkoniyatlar joriy etildi. Endilikda sayohatchilar xotirjam bo‘lishlari mumkin — agar ularning bagaji yo‘qolsa yoki shikastlansa, kompaniya sug‘urta to‘lovini amalga oshiradi. Reys bekor qilingan taqdirda, GROSS sug‘urta kompaniyasi chipta narxini qoplaydi va eng yaqin mavjud reysga qayta bronlashni tashkil qiladi”, — deydi GROSS boshqaruvi raisi Otabek Nazarov.
Tadbir ishtirokchilari O‘zbekistonda turizm jadal sur’atlar bilan rivojlanayotganini ta’kidladilar. Bugungi kunda mamlakatda turli yo‘nalishlarni taklif qiluvchi 1483 ta turoperator va turagent faoliyat yuritmoqda. Kompaniyalar o‘zbekistonliklar uchun butun dunyo bo‘ylab yangi yo‘nalishlarni ochmoqda. Faol sport yoki plyajda dam olish, jahon tarixi va madaniyati bilan tanishish yoki gastronomik sayohatlar, ekoturizm yoki noyob tabiiy qo‘riqxonalarga sayohat — turizm bugungi kunda har bir kishiga o‘z yo‘nalishi va dam olish uslubini tanlash imkoniyatini taqdim etayotganlgidan dalolat beradi. Sayyohlik firmalari o‘z dasturlari orqali O‘zbekistonning madaniy va tarixiy merosini targ‘ib qiladi, mamlakat aholisi va mehmonlarini hududlarning o‘ziga xos koloriti va zamonaviy qiyofasi bilan tanishtiradi.
“Har bir e’tirof turizm sohasi uchun qo‘shimcha rag‘bat, qo‘shimcha imkoniyat va ilhomdir. Shuning uchun biz Turizm qo‘mitasi sifatida ushbu tashabbuslarni doimo qo‘llab-quvvatlaymiz. Har qanday mukofot, har qanday tanlov birinchi navbatda turistik mahsulotlarimiz standartlarini yaxshilashga qaratilgan. Bu juda muhim, chunki sayyohlik xizmatlarini ko‘rsatishning zamonaviy sifat darajasisiz mamlakatning doimiy tanilishini va sayyohlar oqimining ko‘payishini kafolatlay olmaymiz. Shuningdek, bu davlat rahbari tomonidan soha oldiga qo‘yilgan vazifalarni bajarish uchun ham juda muhimdir”, – deb qayd etdi Turizm qo‘mitasi raisi maslahatchisi Feruz Dodiyev.
Joriy yilda Prestige Travel kompaniyasi “Eng yaxshi turoperatorlari” qatoridan o‘rin oldi. Prestige Travel asoschisi va rahbari Oybek Ahmedov tekshirilgan kompaniyalar bilan hamkorlik qilish muhimligini ta’kidladi.
"Biz GROSS sug‘urta kompaniyasi bilan besh yildan beri ishlaymiz. O‘zbekistonda sug‘urta tashkilotlari soni ko‘p bo‘lishiga qaramay, biz to‘liq ishonishimiz mumkin bo‘lgan hamkorni tanlayapmiz. GROSS har doim sayyohlarimizni har qanday, ba’zan eng qiyin sug‘urta vaziyatlarida zarur yordam va g‘amxo‘rlik bilan qo‘llab-quvvatlaydi," — deydi Oybek Ahmedov.
Sug‘urta sayyohlarni kutilmagan vaziyatlardan himoya qilishni o‘z zimmasiga oladi. O‘zbekistondagi barcha sayohat polislarining 62 foizini GROSS sug‘urta kompaniyasi taqdim etib, dunyoning 120 dan ortiq mamlakatlarida sug‘urta xatarlarini qoplashni ta’minlaydi. Besh yil ichida kompaniya tibbiy xarajatlar va favqulodda holatlar uchun 3,4 million AQSH dollaridan ortiq mablag‘ to‘ladi. Birgina 2024-yilning dastlabki to‘qqiz oyida xorijdagi yirik sug‘urta hodisalari bo‘yicha to‘lovlarga 640 ming dollar, jumladan, Shveysariya, Fransiya, Vetnam va BAAdagi sayohatchilarga shoshilinch tibbiy yordam ko‘rsatish uchun mablag‘ yo‘naltirildi.
Otabek Nazarov GROSS sug‘urta kompaniyasi O‘zbekiston fuqarolariga ham, xorijlik mehmonlarga ham xizmat ko‘rsatishini ta’kidladi: “Biz xorijga ketayotgan o‘zbekistonliklarni ham, mamlakatimizga kelayotgan xorijlik sayyohlarni ham sug‘urta qilamiz. Bu nafaqat sayohatchilarning xavfsizligini ta’minlash, balki turizm sohasida xizmat ko‘rsatishning umumiy darajasini oshirish imkonini beradi. Bu nafaqat sayohatchilarning xavfsizligini ta’minlash, balki turizm sohasida xizmat ko‘rsatishning umumiy darajasini oshirish imkonini beradi. Bizning sug‘urta dasturlarimiz odamlarni turli kutilmagan vaziyatlardan himoya qilishga yordam beradi, bu bagajni yo‘qotish, oilaviy sabablarga ko‘ra sayohatni majburan bekor qilish, tibbiy yoki huquqiy yordam bo‘lishi ham mumkin. Bularning barchasi sayohatchilar uchun ishonch va qulaylik muhitini yaratadi”.
GROSS Travel Awards — 2024 laureatlari:
· “Eng yaxshi turagent” — Malibu Travel, Alliance Azia Group, Apple Tour, Avia Travel Tour, Tashkent Kargo, Retro-Orient, Vistour, Pegas Group, Jahon Travel, Lyuks Tur, Sem Travel, Miramax Tm, Lango Trading, Go’zal Shams, Aviatime, Fun And Sun Agency, Bcd Travel, Sogdiana-Travel, Voyage Center, Avrud;
· “Yil debyuti” — Travel Aqua;
· “Turizm rivojiga qo‘shgan hissasi uchun” — Visametric, Bosphor Tour, Crystalbay Tourism, O‘zbekiston mehmonxonalar uyushmasi.
· “Turizm afsonasi” — Талгат Азизович Камбаров;
· “Eng yaxshi turoperator” — Prestige Travel, Asialuxe Travel.
Tadbir doirasida GROSS sug‘urta kompaniyasi sayohat polisining yangi imkoniyatlarini taqdim etdi.
GROSS Travel Awards marosimi birinchi marta 2023-yilda “Ipak yo‘lida turizm” yarmarkasi doirasida o‘tkazilgan. Mukofot allaqachon turizm sohasining muhim voqeasi sifatida o‘zini namoyon etdi. U kompaniyalarni yangi yutuqlarga ilhomlantiradi, ularning mavqeini mustahkamlaydi va O‘zbekistonni jahon xaritasidagi yorqin sayyohlik yo‘nalishlaridan biri sifatida ommalashtirishga hissa qo‘shadi.
