Fitch Ratings xalqaro agentligi GROSS sug'urta kompaniyasi reytingini «B+» moliyaviy barqarorlik darajasida tasdiqladi

Fitch Ratings — xalqaro kapital bozorlari uchun tahlil va tadqiqotlar bo‘yicha yetakchi xalqaro reyting agentliklaridan biri. U Standard & Poor’s va Moody’s bilan bir qatorda «Katta uchlik» deb ataladigan xalqaro reyting agentliklari sarasiga kiradi.

Fitch GROSS kompaniyasining investisiya portfeli boshqa sug‘urta kompaniyalarga nisbatan yaxshiroq kredit sifatiga ega va ko‘proq diversifikasiya qilingan deb hisoblaydi. GROSS bank depozitlari ko‘rinishidagi qayd etilgan daromadlilik instrumentlariga afzal ravishda investisiya kiritgan bo‘lib, ular asosan O‘zbekistonning davlat va yirik xususiy banklarida joylashtirilgan.

Fitch o‘z sharhlarida GROSS kompaniyasining biznes profilini o‘zbekistonlik boshqa sug‘urtalovchilarga nisbatan «maqbul» sifatida baholaydi. Mazkur baho GROSS sug‘urta kompaniyasining biznesni maqbul diversifikasiya qilganligi, raqobatbardosh mavqeni egallashi va mo‘'tadil tavakkalchiligidan kelib chiqadi.

Reyting agentligining e'tirof etishicha, 2023 yilda avtosug‘urta hajmining o‘sishi borasidagi bozor tamoyiliga muvofiq, GROSS portfelida yer usti transport vositalarining sug‘urtasi ustuvor bo‘ldi, 2023 yilda GROSS  sug‘urta mukofotlarining salmoqli qismi aynan ular ulushiga to‘g‘ri keladi. Shuni qayd etib o‘tish muhimki, mazkur toifaga avtomobil egalarining shaxsiy javobgarligini sug‘urta qilish va shaxsiy avtomobillarni har tomonlama himoya qilish uchun kompleks sug‘urta qilishdan tashqari, shuningdek xizmat transporti va maxsus texnikani sug‘urta qilish ham kiradi. Fitch agentligi GROSS kompaniyasi avtosug‘urtada tavakkalchiliklarni baholashda barcha holatlarni batafsil chamalagan va puxta o‘ylagan holda yondashadi, deb hisoblaydi.

Fitch shuningdek GROSS kompaniyasi 2023 yilda bozordagi salmoqli ulushi jihatidan to‘rtinchi bo‘lgan kompaniya sifatida O‘zbekistonning ichki sug‘urta bozorida sezilarli mavqega ega ishtirokchi ekanligini alohida ta'kidlaydi hamda foydani qayta investisiya qilinishi ta'siri ostida GROSS kompaniyasining to‘lovga layoqatlilik marjasi yaqin yillar ichida yanada yaxshilanib boradi, deb ta'kidlaydi.

Eslatib o‘tamiz, Fitch Ratings agentligi 2022 yildan e’tiboran har yili GROSS sug‘urta kompaniyasiga «B+» darajasida, «Barqarorlik» prognozi bilan moliyaviy barqarorlik reytingini berib keladi.