O‘zbekistonda 2026-yilning 1-yanvaridan boshlab Transport vositalari egalarining fuqarolik javobgarligini majburiy sug‘urta qilish (TVEFJMS) polisi narxlari oshadi.

 

O‘zbekistonda Vazirlar Mahkamasining qaroridan kelib chiqqan holda yangi avtosug‘urta qoidalari amal qila boshlaydi, bu haqda Istiqbolli loyihalar milliy agentligi xabar berdi. Yangi qoidalar tariflarning o‘sishini va ayni paytda sug‘urta to‘lovlarining ko‘payishini ham nazarda tutadi.

 

2025-yilning 23-iyulida O‘zbekiston Respublikasi Vazirlar Mahkamasining transport vositalari egalarining fuqarolik javobgarligini majburiy sug‘urta qilish (TVEFJMS) tizimini isloh qilishga qaratilgan 458-sonli qarori qabul qilindi.

 

Hujjat maksimal sug‘urta summasini ikki baravarga – 40 million so‘mdan 80 million so‘mgacha oshirishni, shuningdek, 2019 yildan beri amalda bo‘lgan tariflarni qayta ko‘rib chiqishni nazarda tutadi. To‘lovlar mol-mulkka yetkazilgan zararni, shuningdek, YTHda jabrlanganlarning hayoti va sog‘lig‘iga yetkazilgan zararni qoplashga yo‘naltiriladi.

 

Haydovchilar soni cheklangan holda rasmiylashtirilganda TVEFJMS polisining narxi 2026-yilning 1-yanvaridan e’tiboran quyidagicha bo‘ladi:

 

Toshkent shahri va Toshkent viloyati uchun

 

• yengil avtomobil – 192 000 so‘m;
 

• yuk avtomobili – 336 000 so‘m.
 

• avtobuslar va mikroavtobuslar – 384 000 so'm.
 

• tramvay, motosikillar, motorollyorlar. traktorlar va boshqa avtomobillar – 72 000 so'm

 

O‘zbekistonning boshqa hududlari uchun

 

• yengil avtomobil – 160 000 so‘m;
 

• yuk avtomobili – 280 000 so‘m.
 

• avtobuslar va mikroavtobuslar – 320 000 so'm.
 

• tramvay, motosikillar, motorollyorlar, traktorlar va boshqa avtomobillar – 60 000 so'm
 

Xorijiy ro‘yxatdan o‘tgan transport vositalari uchun

 

• yengil avtomobil – 320 000 so‘m;

 

• yuk avtomobili – 560 000 so‘m.

 

Haydovchilar soni cheklanmagan holda polis rasmiylashtirilganda, uning narxi ikki baravarga oshadi. Shu bilan birga, o‘tgan 12 oyda sug‘urta hodisalari bo‘lgan haydovchilar uchun yangi koeffitsiyentlar tizimi joriy etilmoqda.

 

O‘zbekistonda TVEFJMS tizimini isloh qilish avtosug‘urta tizimini hozirgi iqtisodiy sharoitlarga moslashtirishga qaratilgan. Tariflarning oshishi sug‘urta to‘lovlarining o‘sishi, jarayonlarning raqamlashtirilishi va nazoratning kuchayishi bilan birga kechmoqda, bu esa 2026-yildan boshlab majburiy avtosug‘urtaning ishonchliligi va shaffofligini oshirishi kerak.